Centering

Einleitung
Hend ihr das au scho gha, dass ihr en wiite Weg gresit sind, un denn s Gfühl gha hend ihr sigget Körperlich scho dete aber im Chopf nonig ganz)?

Centering
Drum lad ich euch jetzt gern zu enere chliine Üebig ii, um ganz i dem Saal azchuu. Villicht isch es für gwüssi vo euch ungwöhnlich....ihr aber nüt mache. ihr chönnt eifach minere Stimm zuelose und sich derbi immer mehr entspanne. Öppis wo mer viel z wenig machet im Alltag.

Du chasch es dir bequem mache, so dass es dir agnehm isch. Du chasch jederzit dini Haltig verändere wenn s dir nüme wohl isch. Wenn du möchtisch chasch du dinii Auge schlüsse.... oder din Blick uf en Punkt i dem richte und dete lah.
Du chasch din Atem gschpüre... s Iischnuufe.... und s Uuusschnuufe, und mit jedem Uusschnuufe wieder dieni Entspannig tüüfer und tüüfer.

Ich lade dich ii, vor dim innere Aug es Bild entstah z lah. Du rüefsch dir vor dim innere Aug nomol in Erinnerig wie de hütig Tag agfange hett. Wie du ufgschtande bisch....villicht hesch no zMorge gesse....dich parat für d Arbet parat gmacht......und bisch denn losgfahre. Dahi....is Gschäft.

Was für Gedanke und Gfühl hesch du gha wo du da hi gfahre bisch un denn i de Saal chuu bisch?

Du dörfsch jetzt afange au komplett do a zchuu. Und während du wiiter entspannsch, bi jedem Usatme echli meh....bisch du ganz neugierig uf das was de Tag hüt bringe wird. Du lahsch all die Sache wo dich hüt am Morge beschäftiget hend usserhalb vo dem Ruum......d Frage zu e-learning sind jetzt feschtghalte und du muesch nümme dra denke. Du fragsch dich was du hüt ghörsch, lernsch und möglichscht effektiv und sinnvoll i dinere tägliche Arbet integriere chasch.

Du wundersch dich villicht wie eifach es isch, Spass und Freud glichziitig bim Lerne z ha und erlaubsch dir, öppis z erlebe wo villicht neu isch für dich und villicht au ned so erwartet hesch. Du chasch hüt mit Liechtigkeit au emol din Standpunkt wechsle und Sache vo enere andere Siite aluege.
Villicht chasch du dir vorschtelle wie es sich afühlt voller Energie und Freud öppis Neuis z lerne und aschlüssend au i d Praxis umz setze.

Während du dich immer wiiter entschpannsch.. wirsch du gliichziitig immer wacher und erfrischter.... du cunnsch immer meh do aa... i de Ruum... id de Augeblick.
Du gschpürsch de Stuehl unter dir, du chasch wieder dini Ärm und Bei bewege, dich strecke und recke. Und tüüüf i und uusschnuufe und wenn du parat bisch chasch d Auge wieder öffne.

Aktivierung
Ihr chönnd jetzt alli ufschtah und emol zu mer chuu.

weiter im Programm......

	Creado por Nadja Burger hace más de 8 años

aus Buch "Zauberwelt der Suggestopädie"