Hræðsla í hundurm er nokkið algeng í dag. Oft er það vegna þess að okkur mannfólkinu finnst allt í umhverfi okkar sjálfsagt en hundur sem hefur ekki verið umhverfisþjálfaður sem ungur hvolpur tekur umhverfi sínu ekki sem sjálfsögðum hlut og er oft hræddur við eitt og annað í kringum sig. Horfðu á næstu tvö myndbönd og gerðu upp við þig hvernig eigandi þú vilt vera. Viltu að hundurinn treysti þér út fyrir mörk alheimsins? Þá þarftu að vera þolinmóður og gefa honum tíma til að hugsa og átta sig. Þriðja myndbandið sýnir okkur svo hvernig hundur sem fær að takast á við hræðslu og sannreyna sjálfur eitthvað sem hann treystir ekki og kemst yfir hræðsluna.

Hvernig hundaþjálfari vilt þú vera? Horfið á fyrstu 18 sekúndurnar í þessu myndbandi - restin er efninu ótengd. Við vitum að hundar eru lifandi og hugsandi skepnur og hafa vísindamenn sagt þroska þeirra vera á við 2-3 ára barn. Ef þú værir með barn á þeim aldri sem væri svona skelfinug lostið myndir þú draga það áfram og hlæja að því?  Vissulega erum við að vinna með skepnur en ekki börn. En vitsmunalega skepnu sem lærir af jákvæðri og neikvæðri reynslu. Þetta er neikvæð reynsla og það verður erfitt að fá þennan hund til að stíga nokkurn tíma inn á sambærilegt gólf aftur. Traust er áunnið en ekki gefið. Setjið í samhengi við að kynna hund fyrir bíl í fyrsta sinn, að ganga upp tröppur eða annað sem þið hafið heyrt eða séð að hundar séu hræddir við.

Hvernig hundaþjálfari vilt þú vera? Berðu saman þessi tvö myndbönd af hundum að ganga á glergólfi og gerðu upp við þig hvernig eigandi þú vilt vera. Viltu að hundurinn treysti þér út fyrir mörk alheimsins? Þá þarftu að vera þolinmóður og gefa honum tíma til að hugsa og átta sig. Myndbandið er 2:24 mín. Hundurinn er hvorki dreginn né hvattur áfram. Hann fær að leysa verkefnið á sínum hraða. Of mikið af hvatningu hefði getað haft þveröfug áhrif og sett á hann pressu sem hefði valdið honum vanlíðan. En hann fær heldur ekki svigrúm til að bakka út úr aðstæðunum. Setjið í samhengi við stigana sem þið fóruð með ykkar hunda í (eða önnur verkefni sem við höfum lagt fyrir). Ekki segja stanslaust við hundinn "komdu, komdu, komdu" meðan hann er að taka ákvarðanir og glíma við verkefni - ekki leggja á hann pressu meðan hann er að meta aðstæður. Gefðu honum svigrúm til að hugsa og ákveða hvernig hann ætlar að leysa þrautina. Við erum ekki með skynlausar skepnur og þeir eru öruggari í að leysa verkefni ef þeir fá tækifæri á að gera það á sínum forsendum án tímapressu frá okkur.

Eftir nokkrar æfingar fer sami hundur sjálfviljugur og nokkuð öruggur yfir það sem hann upplifði sem hindrun í upphafi.  Myndbandið er 9 sek. Allir þurfa því að endurtaka nokkrum sinnum það sem hræðir hundinn/veldur honum óöryggi til þess að hann nái tökum á því og til þess að hann sjái það svart á hvítu að þetta sé ekki hættuelgt og að honum sé óhætt. Hundar læra ekki af huggunarorðum okkar heldur þurfa þeir að prófa hlutina á eigin skinni til þess að sannfærast. Þegar þeir hafa sannfærst vita þeir jafnframt að þið höfðuð rétt fyrir ykkur og sjá að ykkur er treystandi ... þið eruð ekki að leiða þá í neina vitleysu. Að sama skapi ef þið farið með þá í vitleysu og þeir verða fyrir skakkaföllum geta þeir smám saman misst traustið á ykkur. Gefið hundunum ykkar tíma en æfið jafnframt reglulega það sem þeir hræðast og látið þá yfirvinna hræðsluna. Athugið að þjálfarinn gengur ákveðið og yfirvegað yfir gólfið en ekki of hratt, ekkert hik áður en gengið er inn á gólfið.  Hrósið reglulega meðan á æfingunni stendur, ég myndi gera það rólegra og nær samræðutóni heldur en gert er í myndbandinu en það þarf hver og einn að meta út frá sínum hundi hvers konar munnlegt hrós hentar. Verðlaunin eru síðan gefin þegar æfingin er yfirstaðin.